Беларуская літаратура рэальнага факта як самабытная мадэль адлюстравання рэчаіснасці

Abstract

У артыкуле разглядаецца пытанне развіцця “літаратуры факта” ў сувязі з яе спецыфічнай актуалізацыяй у беларускай мастацкай традыцыі ХХ–ХХІ стст. Адзначаецца, што агульнавядомае найменне “літаратура факта” – гэта прыклад тэрміналагічнай аманіміі, за якой нівелюецца адрознасць у стаўленні да фактаграфіі рускіх і беларускіх пісьменнікаў, пачынаючы з 1920-х гг. Сцвярджаецца, што беларуская літаратура рэальнага факта – гэта выбітны феномен нацыянальнай культуры, з’ява, адрозная таксама і ад амерыканскага “nonfiction”. Вылучаецца асаблівая роля Максіма Гарэцкага і Алеся Адамовіча ў фарміраванні нацыянальнага напрамку “літаратура рэальнага факта”. Ключавыя словы: літаратура факта; “беларуская літаратура рэальнага факта”; “Левы фронт мастацтваў”; non-fiction; камунікатыўная стратэгія; рэпартаж; літаратурная камунікацыя.