Якасныя змены ў беларускай эканамічнай тэрміналогіі ў ХХ–ХХІ ст.

Abstract

Працэсы, якія характарызуюць развіцце беларускай літаратурнай мовы ў ХХ–ХХІ ст., паўплывалі на колькасны і якасны склад беларускай эканамічнай тэрміналогіі. Аналіз этапаў фарміравання беларускай эканамічнай тэрміналогіі, даследаванне дадзенай тэрмінасістэмы ў структурным і сістэмным аспектах дазваляе выявіць дынамічныя працэсы ў ходзе яе фарміравання і развіцця (у дыяхраніі). Пры аналізе адпаведных працэсаў неабходна ўлічваць катэгорыю моўнай нормы, якая на працягу ХХ–ХХІ ст. неаднойчы змянялася. Да ліку якасных змен у беларускай эканамічнай тэрміналогіі адносяцца змены ў семантыцы тэрмінаў, змены ў правапісе, а таксама працэсы семантычнай архаізацыі тэрміналагічных паняццяў.